Sospechosonan kontrabanda apsolvé den apelashon

87
korte apelashon no a konsiderá negoshi flor na Aalsmeer komo kapa pa trafikashon
AALSMEER/ROMA—Dos ruman italiano Vincenzo i Rocco C ku a keda kondená pa kontrabanda via kompania di flor na Aalsmeer a keda apsolvé na Italia den apelashon.

E rumanan a keda detené den 2015 na Aalsmeer kaminda nan tabata biba i traha. Hustisia italiano ta bisa ku nan ta miembro di un grupo mafia Ndrangheta den sur di Italia Siderno. Den korte di prome instansia nan a haña 20 (Vincenzo) i 15 (Rocc) aña kastigu. Pero siman pasa den apelashon nan a keda apsolvé di prison segun prensa italiano. Huesnan den korte di apelashon no a haña prueba di nan partisipashon den e grupo di mafia. E suma kuantioso ku hustisia a ha~na serka nan no nesesariamente ta prosedente di trafikashon di droga. E por ta prosedente di nan negoshi den flor na Hulanda. E argumentashon no a keda publiká ainda. Vincenzo C tabata aktivo for di añanan 90 den negoshi di destaho di flor na Hulanda. E tabata kumpra flornan rònt mundu i eksportá esaki pa Italia. Hustisia tabata konsiderá e negoshi di flor komo kappa pa trafikashon di droga.