Abogado di Ilario no kier a laga prensa den sala

Jules Ilario kontra minister di Hustisia den korte

381
Señor Jules Ilario na momentu ku el a yega korte ayera mainta.
Willemstad,– E alto Inspektor Jules Ilario ku un tempu a bandoná Kuerpo Polisial Kòrsou pa un reto nobo a regresá den e  tim di maneho di Kuerpo Polisial.

Señor Jules Ilario un tempu a bandoná Kuerpo polisial pa un reto nobo den su bida i a bai na mando di e Kuerpo di Duana. Kosnan no a kana masha bon unda tabatin basta krítika riba su manera di funshoná i tambe su manera di tuma desishon den e Kuerpo di Duana. Krítikanan a kuminsá bira basta fuerte i asta personal ku a pone ku  Ilario a disidí di hala tras pa despues final entregá e puesto di mando di Duana.

Ayera mainta tabatin un kaso di señor Ilario kontra minister di hustisia (gobièrnu), kaminda e abogado di señor Ilario a bisa ku tin kosnan ku e lo bai trese dilanti i ku e no ta deseá pa prensa ta presente. Hues na su turno e ora ei a bisa ku normal e lo mester a puntra e otro partido si e ta di akuerdo, pero te na e momentunan ei, señora Isenia ku ta defensa di parti di gobièrnu no tabata presente i pues e hues a pidi prensa (Vigilante), pa por fabor bandoná e sala i kual naturalmente nos mester a kumpli kuné. Saliendo for di e sala mester bisa ku nos a tuma nota di yegada di señora Isenia i pues el a yega nèt na inisio di e kaso