Aksidente di bùs ta laga saldo di 8 morto i 25 herido atras

75
Forma ku e bùs a keda despues di aksidentá i bòltu for di baranka.

BANGKOK – Al ménos ocho persona a pèrdè nan bida i otro 25 mas a resultá heridá den un aksidente di bùs den e region sentral di Filipina.

Outoridatnan a indiká ku e vehíkulo, ku tabata transportá masoménos 70 persona, a sali for di e karetera i a kai for di un baranka miéntras e tabata transitá den oranan di djasabra atardi. Esaki aparentemente na un zona montañoso di e provinsia di Camarines Sur.

Konforme e promé investigashonnan, e bùs a sufri un problema ku brek durante bahada.

Esnan heridá, ku algun medio a indiká ku tabata mas di 35, a keda trasladá pa sentronan médiko di e siudat di San Fernando.

Kareteranan den mal estado, defisiensia den señalnan di hopi karetera, e antigwedat eksesivo di bùsnan òf simplemente no tenementu na reglanan di tráfiko, ta entre otro faktornan ku ta hasi ku e tipo di aksidentenan aki ta relativamente frekuente na Filipina.