Boto ku a bai buska piska na Aves interseptá ku dos ilegal abordo

1519
Polis a bai buska e ilegalnan ku a keda detené pa warda kosta riba laman.
Boto ku a bai buska piska na Aves interseptá ku dos ilegal abordoWillemstad— Den oranan di mardugá Warda Kosta a interseptá un boto ku a kaba di bini for di Aves ku dos persona ilegal riba dje.

Tabata den oranan di mardugá ku e boto Cutter di Warda Kosta a duna un boto piskadó señal  riba laman pa para pa asina nan por a hasi un kontròl. Ora a aborda e boto piskadó a bin topa ku dos hòmber Venezolano ku mesora a indiká ku nan  ta ilegal i kier a drenta Kòrsou pa asina por a buska un mihó bida. Mesora tur dos a keda detené miéntras a konfiská e boto bai mara esaki na e pir di Warda Kosta na Parera pa einan realisá un kontròl mas rigoroso riba e boto. Durante di e kontròl a bin topa ku un kantidat grandi di piska ku a kaba di wòrdu buska na e Isla nan Aves pa asina esaki keda rebendé riba e merkado lokal. Mesora a tuma kontakto ku duana pa nan kontrolá e piska abordo i despues di e investigashon  a laga e tripulantenan bai bek ku e boto pa asina nan por bai entrega i tambe bende e piskánan.

Warda kosta a bai mara e boto di piskadó na e pir na Parera pa asina por a listra esaki mas afondo.