Cristiano na De Ligt: “Bin serkami den Juventus”

96
Fot mathijs: Cristiano Ronaldo (L) i Mathijs De Ligt ta saludando otro despues dje partido na unda Portugal a titulá kampeon di Nations Cup. CR-7 a bisa defensa hulandes pa bin hunga huntu kuné den Vieccha Signora.

LISBOA, – Nan duelo tabata protagonista promé ku e final kuminsá i tambe despues di e partido.  Cristiano Ronaldo i De Ligt  ta sigui ta notisia despues ku e último aki a hasi algun deklarashon ku a lanta poko stof.

“Despues ku e partido a terminá Cristiano a bisami: “ Bin serkami den Juventus. Na prinsipio mi no a komprondé i a sorprendemi un poko. Mi a keda den shock, asina ta ku mi a hari pero no a respondé nada”.

E sentral hulandes a konfesá su kombersashon ku  Cristiano na kadena di televishon hulandes despues di terminá e enkuentro. Tokante su próksimo ekipo tambe e la deklará ora e la e keda puntra “ no mi no ta importá den e desishon ku mi tuma aktualmente. E merkado a kuminsá di transferensia ta kuminsá den algun dia i mi ke bai vakashon pa asina tuma un desishon kabes friu”, asina e sentral hulandes a komentá.

Ku e palabranan aki  De Ligt a oumentá e rumornan tokante su próksimo ekipo ku e lo bai militá aden.  E sentral di Ajax i e selekshon hulandes ta e gran e atrakshon riba e merkado ku tin ekiponan manera  FC Barcelona, PSG i Juventus su tras.

Na edat di 19 aña e hulandes a atmití ku e lo ke hunga fiho den un ekipo i pa esei e ta tuma tempu pa e por tuma su desishon final, porsierto ku lo kambia su bida seya pa bon òf pa malu.

Raiola ku ta agente dje hungadó algun dia atras a deklará ku e ta spera un mihó salario, i tambe un komishon muchu mas haltu pa su kliente  Matthijs de Ligt di loke FC Barcelona tabata ofresiendo aktualmente.

Pa motibu aki e plantel di Manchester United tambe tabata spera di tin chèns pa kontratá e defensa di Ajax, tur esaki mirando ku e tòp ekipo di United si por kumpli.

Ayabanda Juventus tampoko no ke saka e yegada di De Ligt for di nan kabes.  E aktual preis ku ta keda pidi pa e defensa  hulandes ta di 70 mion euro, aunke esaki no ta spanta La Vecchia Signora ku nada paso tin e kapital ku por page. Miéntras ku aserkamentu di Cristiano Ronaldo personalmente na De Ligt tambe por tin su influensha na ora di skohe un ekipo di tantu ku kere.

 

De Ligt luna  pasá a keda skohe komo ganadó dje Sapatu di Oro den futbòl hulandes, despues ku e la kombertí  ku su 19 aña komo e hungadó di mas hóben pa logra konkista e premio aki, porsierto  di kua ta keda duna na e mihó hungadó di temporada na Hulanda.

E Sapatu di Oro ta un galardon otorgá pa e korant  De Telegraaf,  miéntras ku den pasado e la keda ganá pa hungadónan  manera  Johan Cruyff, Frank Rijkaard, Ronald Koeman, Romario, Ronald de Boer i Luis Suárez, entre otro.