Deschamps a sigurá ku  Ferland Mendy lo hunga pa Real Madrid

66
Fot Fernando: Ferland Mendy lo ta hungadó nobo di  Real Madrid  pa loke ta e próksimo temporada.

 

PARIS,  – Durante e rueda di prensa promé ku e partido entre e Fransia i Andorra e bondscoach, Didier Deschamps, a sigurá ku e defensa di pia robes di Olympique Lion, Ferland Mendy, lo ta hungadó nobo di  Real Madrid, pa loke ta e próksimo temporada.

“No mas ku dos aña pasá e tabata hunga den Ligue 2 i awor  e ta bai militá den  Real Madrid”

Despues di hasié pregunta tokante di Mendy e bondscoach franses no morde su lenga na ora di papia dje futuro di e hungadó

“No mas ku dos aña atras e tabata den Ligue 2, miéntras ku awor e ta bai pa hunga pa Real Madrid. E por hunga ámbos banda den defensa i su progreshon tabata briante”, asina tabata e palabranan di Deschamps di kende a sigurá ku e rumornan di kontratashonnan ta afektá vários hungadó.

“Algun di nan no ta spera, manera Mendy, di kua lo yega  Madrid, porsierto ku ta algun nobo pe”.

Vigilante 1 di yüni

Real Madrid i Olympique Lyon ta pará riba e mesun liña pa loke ta e transferensia di un total di kuarenta mion euro pa  Mendy.

E defensa no mester prekupá ku solamente e interes den su persona dje ekipo di  Real Madrid. 

E ekiponan di Juventus i  Napoli  tambe tin deseo grandi di atkerí e linksbek di Olympique Lyon, di kende ta spera di bai ganá entre 40 a  45 mion euro.

E fransesnan di nan banda loke Romain Perraud dje ekipo di OGC Nice komo e siguiente linksbek pa remplasá Mendy.