Fanátiko na Bangkok a warda ‘Cuco’ 4 ora pa saka pòtrèt kuné

60
Un di e fanatikonan ku hopi pasenshi a sinta warda 'Cuco'.
WILLEMSTAD—Diferente tabata e fanatikonan ku kier a saka pòtrèt ku kapitan di nos ekipo, ‘Cuco’ Martina. Entre esakinan tabatin ku ayera a sinta oranan largu den lobi pa asina warda ‘Cuco’ pa asina inmortalisá nan enkuentro.

Cuco’ manera un bon YDK a kumpli ku e petishonnan i a lamentá si di no tabata sa ku nan tabata wardando asina tantu riba su persona. Entre esakinan tabatin un fanátiko kende a splika di a sinta mas ku 4 ora, pa por a warda e gran momentu yega, ayera na momentu ku a bira konosí ku nos ekipo tabata na Bangkok pa un dia.

Miéntras tantu awe vuelonan ta sigui unda e gruponan ku mester bai Hulanda lo biaha den 2 diferente buelo via Dubai pa Hulanda. Miéntras ku e grupo ku ta bin Kòrsou lo biaha via Paris pa Hulanda, unda despues di pasa awe nochi, lo biaha mañan pa Kòrsou. Seguidamente lo sali djaweps mes pa Jamaica pa wega di Kopa di Oro.