Portugal ta titulá kampion di UEFA Nations League

49
Portugal ta titulá kampion di UEFA Nations League.
PORTO – Estádio do Dragão tabata senario ayera pa e gran final di e UEFA Nations League, unda ku e ekipo Portugal, na kas, a enfrentá e ekipo di Hulanda.

E enkuentro aki a keda dirigí pa e árbitro Alberto Undiano di Spaña. E wega a ranka sali ku ámbos ekipo studiando otro i seguidamente tabata e ekipo di Portugal ku e fanátikonan na su fabor ta bai mas den atake.

E wega tabata unu basta atraktivo ku ámbos ekipo purbando na avansá i tratando asina na bai ariba promé den e enkuentro. E enkuentro ta kontinuá riba un bon nivel pero sin muchu novedat i ta yega sosiegu empatá na sero gol.

E enkuentro ta kontinuá den e di dos mitar ku e ekipo di Portugal hungando mihó ku e ekipo Hulandes i tabata na di 60 minüt ku e hungadó Goncalo Guedes ta skor e úniko gol di e enkuentro pa manda Portugal ariba i duna esakinan e título di kampion di e UEFA Nations League. Un pabien na e kolonia Portugues ku e título.