2 mucha di nos ku viktoria den kickboksing na Hulanda

143
Coeriel propinando su kontrinkante un sla ku rudia.
HULANDA—Dos diferente hóben deportista oriundo di nos isla, a logra triunfo den kickboksing na Hulanda.

Primeramente tabata Daychemar Coeriel bringando den representashon di nos bandera, a logra triunfo den e evento ku a tuma lugá na e suidat Groningen.

Tabata pelea, unda tur ku a sigui esaki a duna di konosé ku tabata e mihó pelea di e anochi durante di e kartelera.

Daychemar ta atleta kende ta praktiká i a hiba su preparashonnan na serio kual tambe tabata motibu di su logro, dunando tremendo presentashon i tabata agresivo kontra di su kontrinkante, den pelea bálido pa e kategoria klase B semiprofeshonal.

Su triunfo tabata pa nòkout, den e kompetensia Enfusion’s Glorious Heroes.

Miéntras ku den pelea estelar di e evento, tabata Endy Semeleer, kende tambe a logra di gana den su pelea i asina logra e titulo “Enfusion World Champion”, a derotá Marouan Toutouh pa puntuashon despues di 5 asalto di kada unu 3 minüt i bálido pa e kategoria klase A.