Angelo Albertus ta bai laborá na Vos di Boneiru

142
Dia 14 di yüli e ta kuminsá ku su programa di Gospel na Vos di Boneiru.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku Angelo Albertus ku den pasado tabata laborá na Radio Play FM na Boneiru riba tur djadumingu ku su programa di Gospel di 9or mainta pa 12 or di mèrdia ta den negoshashon ku un otro Radio emisora.

Mas aleu ‘E Mulina’, a haña informashon ku Angelo Albertus lo ta rumbo pa Radio Vos di Boneiru 94.7 F.M.. I tambe nos ta na altura ku su programa lo bai karga di nòmber “E kaminda pa Fe Konfia’E”. Tambe nos ta na altura ku den e dia nan aki lo bai tin e último buèlta di kombersashon entre Gerente di Radio Vos di Boneiru i Angelo Albertus.

‘E Mulina’, su fuente a konfirmá na nos ku Angelo su programa lo bai keda riba mes un dia ku e tabata na Radio Play FM 97.1 , esta riba djadumingu i tambe e ora a keda mes un kos. Pues si tur kos kana bon pa fin di luna aki i òf pa kuminsamentu di otro luna.

Nos a yama Engelo Albertus na diferente okashon riba e dia di ayera, pero sin resultado deseá. ‘E Mulina’,sigur lo bai sigui tras di e informashon ku nos ta disponé, paso ta hopi importante pa sa di e disishon final ku ta na Radio Vos di Boneiru mes Angelo Albertus su futuro lo bai ta, kaminda ku den pasado e la yega di laborá pa 10 aña. ‘E Mulina’, a haña konfirmashon ku Angelo ta kuminsá ku su programa di Gospel na Radio Vos di Boneiru dia 14 di yüli.