Dies morto registrá den aksidente di tráfiko na Brasil

49
Situashon ku a keda atras despues di e insidente lamentabel aki.

SAO PAULO – Un total di dies persona lamentablemente e pèrdè nan bida i otro 51 mas a resultá heridá den un aksidente di bùs ku a keda registrá den e anochi di djadumingu último na e lokalidat di e estado di Sao Paulo, segun bomberonan di e pais a konfirmá.

E vehíkulo aparentemente lo a bòltu na alrededor di mitar di dies di anochi, na e karetera Floriano Rodrigues Pinheiro, na altura di Campos de Jordao, un siudat turístiko den Sao Paulo.

E kousanan di e aksidente ainda ta keda investigá pa outoridatnan di e pais, pero segun testigunan ku a presensiá e suseso a indiká na vários medionan di komunikashon, e vehíkulo lo a pèrdè kontrol i tabata parse ku su breknan tambe lo a lag’e na kaya.

Segun medionan di komunikashon di e pais, entre e dies víktimanan mortal, ocho adulto i dos menor di edat, tin un hòmber i su yu hòmber ku tabata sirkulá den interior di un di e tres vehíkulonan alkansá pa e bùs na momentu ku el a pèrdè kontrol.

Un total di 26 di e 51 personanan heridá, a keda trasladá pa diferente sentronan médiko di e region.

E bùs tabata transportá un grupo di personanan ku a pasa dia na Campos de Jordao i tabata regresá bèk pa e lokalidat di Cubatao, tambe den e estado di Sao Paulo.

Campos de Jordao, na 167 kilometer di e kapital, ta un munisipio ku arkitektura inspirá riba siudatnan chikí di Los Alpes suiso i épokanan di vakashon òf dianan festivo ta atraé personanan pa su paisahe i klima friu. Esaki ta risibí un kantidat importante di turista di henter e pais.