Hòmber atraká ta bai buska yudansa na pòmp di gasolin Rio Canario

308
Willemstad—- Un hòmber ku tabata kanando den oranan di mardugá riba Schottegatweg West a keda atraká unda a kita tur su pertinensha nan bai kuné.

Tabata den oranan di mardugá ku un hòmber a kana yega na e pòmp di gasolin na Rio Canario unda e la indiká na bendedó di gasolin pa yama polis pe ya ku e tabata víktima di un kaso di atrako. A bin resultá ku e hòmber tabata kanando riba Schottegatweg West pa asina por a bai kas ora ku e la wòrdu sorprendí pa un tipo ku a kita tur sèn i otro pertinensha nan ku e víktima tabatin den su poder. Polis kua  ser avisá a presentá na e pòmp di gasolin na Rio Canario na unda a tuma e dato di loke  a pasa pa despues a baha e víktima na kas pa den oranan di mainta e personal di e tim di atrako pasa serka dje na  kas pa por tuma e denunsia i pa sigui ku e demas investigashon.