Kloaka habri na Skalo ta manda holó stinki i kantidat di sangura den e área

100
Skalo- Den área di Skalo a hala nos atenshon un kloaka ku ta para habri i ta forma peliger pa peaton. Ya tin basta tempu kaba ku e situashon ta asin’aki ku e kloaka aki ta para habri i tin parti di e kaminda tambe ku ta kibra.

Pa loke ta trata e situashon prinsipal ta e kloaka ku ta manda holó stinki i ku ta yena webunan di sangura. Na momentu ku bo kana den e bisindario e bestianan aki ta pika bo bastante. Bo por mira kon e awa ta kore den e kloaka i ku esaki sigur mester laga basha algu aden pa evitá e bestianan aki brui. Mester tapa tambe e kloaka aki mirando ku ora bo ta kana bo no ta mira e buraku aki habri i ku esaki por tin konsekuensha ku e peaton por lástima su mes.