“ONE” ta e yabi di kombinashon pa ICONS

239
Nan ta e yabi di kombinashon huntu ku ICONS.

WILLEMSTAD,—-E informashon aki sin duda ta bai lanta bastante stof riba e dia di awe. t’asina ku ‘E Mulina’, a haña informashon ku tin moveshon nan ta tumando lugá entre dos agrupashon musikal, ta trata aki di agrupashon musikal ICONS i “ONE”.

Nos tin informashon ku e agrupashon musikal “ONE”, ta bai bira e yabi di kombinashon ku agrupashon musikal ICONS. Tambe nos tin informashon ku gerente di ICONS a aserka un otro agrupashon tambe pa nan traha kuné, pero gerente di e otro agrupashon musikal a ninga esaki.

Esaki ta nifiká ku Tata a keda afó pero Yu si ta te pa den. Esaki sigur ta un bon desishon di parti di gerente di ICONS, paso nan ta habri pa traha i alabes nan ta duna un banda forma pa hóben nan un chèns pa nan tambe por ta den kombinashon nan grandi. ‘E Mulina’, a drenta den kontakto ku e RoadManager di “ONE”, pero e di su parti a ninga delaster un kos ku nos a bisé dos dia tras di lomba, na final nos a bisé ku, nos si tin tur pero tur informashon rondó di ICONS i “ONE”.