Polis ta detené hòmber (26) pa asesinato deportista Hidde

112
víktima Hidde Bergman (27)
GRONINGEN—Polis a detené un hòmber di 26 aña na Groningen relashoná ku morto di Hidde Bergman (27), deportista.

E víktima a keda fatalmente hinka durante korementu. E sospechoso tabata enkarselá pa otro delito, esta destrukshon. E insidente a tuma lugá dia 14 mei alrededor di 19:15 na Jaagpad na Groningen. Hidde a fayesé na e sitio mes mientras e sospechoso a hui. Ultimo simannan polis no tabatin pista di e sospechoso i a publiká deskripshonnan di un hòmber ku posiblemente tabata den área di e insidente fatal. Tambe a hasi yamada pa testigunan ku a mira Hidde kore. Ayera polis a detené e sospechoso di Groningen. E ta keda sospechá di envolvimentu den morto di Hidde Bergman. No ta konosí kiko ta e motibu di e insidente fatal. Pero pa e famia ta trata di un kaso kaminda a mata un inosente. Awor ku polis tin e sospechoso nan lo mester sigui investigashon, segun un bosero polisial.