“The Celebrities”ta nòmber di e banda nobo ku ta na kaminda

389
Awe su telefon ta bai rin te kima.

WILLEMSTAD,—-Ayera ‘E Mulina’, a skibi un artíkulo ku e popular kantante Urvin “Luwi”Jano a keda aserka wikènt pasa tras di lomba pa algun músiko ku den pasado tabata forma parti di agrupashon musikal Doble R SSS, e enkuentro a tuma lugá den Green House na Sta. Maria.

T’asina ku durante di dia di ayera tabatin masha hopi ningamentu mes rondó di e artíkulo ku ‘E Mulina;, a publiká den Korant Vigilante. Esaki a pone ku nos a bai buska mas di profundidat i nos a haña mas informashon rondó di e agrupashon musikal nobo ku pronto ta bai hasi nan debut den nos farándula.

Tambe nos mester bisa ku nos a haña un lista ku tin nòmber nan di e músiko nan ku ta bai forma parti di e banda nobo, ku por sierto su nòmber ta bai ta “The Celebrities”. E músiko nan ku ta forma parti di e agrupashon musikal nobo ta riba Conga Sigfried “Chofi” Cleofa. Riba Bongo Juny Gonzalez. Riba Timbal: Irwin “Broertje” Regina. Nan basista ta Papi Susana, riba Keyboard nan tin Lloyd Thielman i Palucho Herman.  Anto riba Piano i Direktor musikal nan tin  Gio Maduro, komo tékniko  Anthony Hooi i komo Manager nan tin Lloyd Thielman.

Pues pa kita tur duda ‘E Mulina’, a trese e plataforma kompleto di e agrupashon musikal nobo ku pronto ta bai hasi nan debut den nos farándula, mas aleu nos a komprendé ku e banda no ta bai toka Kòmbèk so, e bailadó nan lo bai kòrda tempu ku práktikamente e músiko nan tabata toka na aña 1994 pa 1998 den Trupial Inn, pa esun nan ku ta kòrda e tempu ei ta agrupashon musikal Doble R SSS tabata toka den Trupial Inn.