Tres hòmber detené pa tiroteo Rotterdam

62
sospechosonan envolví den tiroteo Kralingen
ROTTERDAM—Na Rotterdam tres hòmber a keda detené ku posiblemente ta envolví den un tiroteo den bario di Kralingen.

Alrededor di 21:30 polis a haña un melding ku un grupo di hòmber tabata bringa riba kaya. E pelea a kaba den tiroteo na Waldeck Pyrmontlaan. Polis a pidi asistensia di 12 unidat pa buska e sospechosonan. Agentenan a keda stashoná na diferente sitio strategiko. Tambe a pidi asistensia di un helikopter di polis. Asina a logra detené tres sospechoso segun polis. Un di e hòmbernan a keda transportá pa hospital pasobra e tabatin un herida di bala na pia. Un outo a keda konfiská. No ta konosí kiko e motibu di e pelea ta ni e tiroteo. E mes anochi tambe tabatin otro tiroteo den Rotterdam. A detené un sospechoso di 33 aña. E víktima mes a bel polis alrededor di 19:00 ku e informashonku el a keda heridá na Hietkamp Rotterdam-Zuid. E sospechoso i e víktima konose otro i posiblemente tabatin un konflikto djis prome ku e tiroteo. No ta eskluí mas detenshon. No ta konosí si e tiroteonan na Kralingen i Rotterdam-Zuid ta relashoná ku otro.