Caribbean Airlines lo inisiá vuelo entre Trinidad i Kòrsou

Ku aprobashon di departamentu di aviashon di Trinidad i Tobago

173
Un bista di e avion di Caribbean Airlines ku lo kuminsá ku vuelonan for di Trinidad & Tobago.
Willemstad- Caribbean Airlines a anunsiá inisio di su servision entre Korsou i Trinidad kuminsando dia 2 di ougùstùs, 2019. Ku aprobashon di  departamentu di aviashon di Trinidad i Tobago.  Lo tin vuelonan dos vuelo  pa siman.

Riba djaluna i djabièrnè, kual ta sali for di Piarco International Airport, Tirinidad  11:55 a.m  i ta yega Kòrsou 13:35 i e vuelo di regreso lo sali for di Korsou 14:35 i yega Trinidad 16:15. Vuelonan ta proveé konekshon pa i for di Barbados, Grenada, Guyana, New York i otro destinashonnan. Awor pasahero nan sea ta pa negoshi òf plaser, tur por bishita Kòrsou fásilmente pa asina disfrutá di tur lokual nos isla ta ofresé.

Riba e ruta nobo aki, Garvin Medera, Caribbean Airlines Chief Executive Officer a bisa: “Caribbean Airlines su mishon ta pa proveé un network sin rivalidat kual por konektá e region di Karibe kompleto. E servisio nobo aki pa Kòrsou ku Trinidad and Tobago Civil Aviation Athority su aprobashon, ta uni nos islanan i ta habri kaminda pa subi komersio, kompartí kultura, turismo i fortalesé e identidat karibense. Nos ta trahando hopi serka ku nos balioso klientenan i “stakeholders” inkluyendo Gobièrnu di Kòrsou, Ofisina di Turismo, Curacao Airport Partners i hopi mas pa asina sigurá pa nos ruta ta un éksito.

 Tokante Caribbean Airlines

Caribbean Airlines ta un aerolínea Karibense outéntiko ku ta proveé eksperensia karibense riba tur su servisionan. E liña aéreo su ekipo profeshonal ta ofresé e kalor di e isla y di e aerolínea. Caribbean Airlines ta operá ku mas di 600 vuelo pa siman ku 20 destinashon den Karibe i Nort i Sùit Amérika. E aerolínea su flota ta konsistí di avionnan Boeing 737-800 i ATR72-600.  Caribbean Airlines ta propietario di e pueblo di Trinidad & Tobago i Jamaica, ku nan ofisina prinsipal na Trinidad & Tobago ku nan base operashonal na Jamaica. Caribbean Airlines tin mas ku 1600 empleado. Tambe nan ta miembro International Air Transport Association (IATA) i ta wòrdu konosí komo IATA Operational Safety Audit aerolínea kualifiká. Kual ta un Sertifiká FAA repair station segun “voorschrift” 145.  Pa mas informashon tokante Caribbean Airlines:

www.caribbean-airlines.com.