Decoded a firma e popular artista Tsean

154
Ámbos a ninga tur kos.

WILLEMSTAD,—-Ketu bai tin hende den nos farándula ku ta balotá e trabou ku ‘E Mulina’, a bin ta hasi pa seis aña kaba. I tambe nan ta balotá nos forma ku nos ta drenta i saka informashon, no ta importá kon serka i leu e negoshashon nan ta.

‘E Mulina’, a haña informahson ku Decoded a firma e super popular artista yu di Kòrsou ku ta Quinthony “Tsean”Thomasa. Mester bisa ku djasabra tras di lomba durante di e  debut  ICONS, e popular kantante kompositor tambe a presentá i e la hasi esaki ku su mes un agrupashon musikal ku ta forma pa músiko nan manera Rave Rog,Derrel “Titi de Palm, Gino Genero i Jhon Rojas.

Tambe nos a haña informashon ku dia promé di yüli lo ba ta e último presentashon di Tsean huntu ku agrupashon musikal GENTZ TRE’CHIC, esaki ta informashon ku ‘E Mulina’, a risibí for di un fuente. Manera ku e informashon a yega serka nos, den mes un rosea ‘E Mulina’, a drenta den kontakto ku Efrem Mambi ku ta un di e kabesante nan di Decoded.

T’asina ku Efrem mes ora a atendé ku nos i nos a sali bisé di e informashon ku nos ta disponé di dje, i esaki ta ku Decoded a firma e super popular artista Tsean, mester bisa ku Efrem a bisa ‘E Mulina’, ku “Mi no sa nada di loke ku bo ta bisami aki, ami no ta altura ku Decoded por a firma Tsean, esaki si ta un sorpresa pa mi, awor aki si bo fuente nan a faya ku nan informashon”. ‘E Mulina’, den mes un rosea a bisa Efrem ku “Tempu ta e mihó Maestro”.

Despues nos a drenta den kontakto ku e popular kantante mes ku ta Tsean i nos a bisé di e informashon ku nos ta disponé di dje. ‘E Mulina’, mester bisa ku ámbos persona tabatin práktikamente e mes un deklarashon, e úniko kos ku a kambia den nan vershon ta ku Tsean a bisa ‘E Mulina’, ku “Mi ta spera ku lo bo rektifiká e biaha aki, paso mi no sa ta di unda bo a sali ku e informashon en kuestion”. Mes un kos ku ‘E Mulina’, a bisa Efrem Mambi nos a bisa Tsean tambe i esaki ta “Tempu ta e mihó Maestro”.