Den Passaat OM ta tira lòt

126
Punda– Miéntras den Germanium, Jorge Jamaloodin a atmití su kulpabilidat, den Passaat kosnan ta kontrali.

OM ta bisa tin sufisiente prueba kombinsente pa kastigá Jamaloodin den e kaso. Segun fiskal  Out nan no tin nada personal kontra di Jamaloodin pero ta sospechá Jamaloodin di a falsifiká dokumento pa yuda Robbie Dos Santos uza e Areglo di Entrega. E la hasi esaki dor di kambia e fechanan komo minister. Di tal manera Dos Santos por a uza e areglo nèt riba mesun fecha ku a ofisialisá e areglo, 11 aprel 2012. Via di e Areglo di Entrega, por hasi uzo di tarifa preferenshal riba impuesto.

Out a bisa ku den kaso Germanium Jamaloodin a atmití di a enrikesé su mes ku 456 mil florin. Esaki dor di laga gobièrnu paga fakturanan falsu pa un fundashon ku e mes a ordená pa lanta. E fundashon mester a drecha sentro rekreativo Divi Divi. Pero esei no a sosodé nunka. Na mart 2017, Jamaloodin ta paga 445 mil florin bek foi un banko na Estland (Estonia) Segun Fiskal Out esaki ke men ku Jamaloodin tin akseso na hopi kèsh.