Famia Wiels a demandá  50 mil florin

187
Famia Wiels ku a pidi un daño perhuisio di kasi 50 mil florin.
Punda– Yvonne Richardson i su dos yunan, Savanah Wiels i Helmin jr. ayera a demandá Jorge Jamaloodin pa 50 mil florin di daño..

Ta trata di gastunan di tíket i gastunan di efektonan sikológiko riba e yunan. Korte a menshoná dos suma di 4.815 florin i 45.158 florin. E promé ta konserní gastunan di pasashi miéntras e di dos ta konserní gastunan inmaterial.

Yu muhé di Wiels, Savannah a deklará riba papel ku hinter nan mundu a bòltu. E fotonan a shòk su bida. Su tata tabata manera un héroe. E tabata biaha hopi ku Wiels. Despues e la kuminsá deprimí. Ainda e ta sufri. Dor ku e la biaha di Amsterdam pa Londen e la keda den debe ku finansiamentu di su estudio. Helmin tabata un bon tata pa nos, e la bisa.

Helmin jr, a bisa ku e no por prosesá e morto ainda. E ta bai tur siman e graf ainda. “Mi ta rabia riba hopi kos”. Diripiente su tata no tei mas. “Tratamentunan di e kaso ta ponemi skucha hopi kos. Mi tabata mira mi tata hopi ora e bini Ulanda. 5 di mei 2013, lo mi no lubidá nunka”, e la duna di konosé por eskrito.