Jean Julien Rojer i Robin Haase a gana i ta den kuartfinal

110
Jean Julien Rojer.
HULANDA—E tenista YDK, e profeshonal Jean Julien Rojer ayera a hasi su debut den e torneo internashonal di tènis na Hulanda. Un ke otro hungando den kategoria dòbel huntu ku e hulandes Robin Haase.

Huntu nan a enfrenta e duo forma pa Miguel Angel Reyes-Varela di Mexico i tambe Marcelo Arevalo di El Salvador. Tabata wega ku a finalisá den triunfo ku skor di 6-3, 6-4 pa Jean Julien Rojer i su duo Robin Haase. Ku e triunfo aki mesora nan ta sigui den kompetensia, unda ku mañan djaweps dia 13 yüni 2019, nan lo bai ta bèk den akshon. Esaki den wega bálido pa kuartfinal di e torneo na Rosmalen ‘s-Hertogenbosch, Rosmalen Grass Court Championships òf tambe Libema Open 2019. Mañan nan lo topa ku e duo britanikonan Neal Skupski i Jamie Murray. E últimonan aki tambe a logra triunfo ayera, ora ku nan a sa na derotá e duo di tenistanan chileno, kende nan ta Nicolas Jarry i Cristian Garin.