Kampionato di dominó 200 tantu riba ruta pa mundial

34
Domino 200 tantu riba ruta pa mundial.
WILLEMSTAD—Awe djarason dia 12 yüni 2019, ta fecha pa kontinuashon di e kampionato di dominó 200 tantu, organisá pa Curaçaose Dominó Bond. Un invitashon ta bai pa asina tur fanátiko di dominó por presensiá e weganan di elektrisante di dominó aki, awe nochi na edifisio di FDOK .

Un ke otro despues ku resientemente tabatin tambe algun enkuentro interesante ku a tuma lugá, ora ku a sigui ku e kampionato di dominó 200 tantu. E hungadónan a batayá fuerte ku otro pa asina keda den kontienda pa por klasifiká pa e selekshon ku próksimamente lo tin ku representá nos pais den e kampionato mundial na Mexico.

Miéntras tantu despues di awe, tambe lo bai tin weganan ku lo sigui mañan djaweps dia 13 yüni 2019, pa seguidamente tèrminá djasabra awó, dia 16 yüni 2019. Tur e weganan programá pa hunga for di entrante awe, lo tuma lugá inisiando 8’or di anochi, na e edifisio di FDOK, situá den Roodeweg na Otrabanda.

E veteranonan ‘Payo’ Anderson i Sandy Christopher ta biniendo duru ariba i a laga sa ku tin ku tene debido kuenta ku nan. Sammy Rooi ta konsolidando su mes komo un dje mihónan. ‘Roosje’ Harts a laga sa ku awendia ta muhé ta manda den dominó. Miéntras ku di aya banda ‘Gin’ Welvaart, a deklará ku unabes e kue puesto number 1 tene, lo no tin ningun hende pa kit’é mas for di einan.

E mihó 10 nan di e kompetensia te awor, ta:

  1. NOMBER WG-WP

1          Jean-Mark Welvaart            12-4

2          Rosaline Harts                        11-5

3          Canword Rooi                        11-5

4          Marlon De Windt                  11-5

5          Shutlan Sabina                       10-6

6          Gladwin Sparen                     10-6

7          Reynold Anderson                  9-7

8          Sandy Christopher                  9-7

9          Imro Wederfoort                    9-7

10       Jose Luis De Sousa                  9-7