Posishon di konseho di minister mirando e aanwijzing ku lo bini

217
Eugene Rhuggenaath

Willemstad,– Despues ku gobièrnu di Kòrsou a haña tende ku dia 14 próksimo lo trata e konsepto di e ‘aanwijzing’ den RMR, konseho di minister a manda nan punto di bista pa parlamento.

Gobièrnu ta bisa ku kier un presupuesto balansá na 2019 kaminda e défisit ta di 169.15 mion di 2017 i 2018 i ku esaki mester keda kompensá den tres aña i por keda ekstendé den presupuesto den 2020, 2021 i 2022 i tambe e debenan na APNA i SVB di kual e tèrmino ta proporshoná pa 31 di desèmber 2022 pa kumpli kuné.

Gobièrnu di Kòrsou, mirando e impakto ekonómiko riba tèrmino kòrtiku pero tambe prinsipalmente e efekto riba e futuro kresementu i ganashi di pais, ta haña ku ta iresponsabel pa ‘questa loque quuesta’ haña e presupuesto 2019 den balansa i kompensá e sobra défisit den un periodo relativamente kòrtiku.

SPLIKASHON

Gobièrnu di Kòrsou ta mira komo su responsabilidat pa e trese e finansa públiko na òrdu i na mes momentu sòru pa e bienestar, kresementu ekonómiko i tres konfiansa bèk den komunidat, den kompanianan i den invershonistanan.

Un finansa públiko saludabel ta forma e base pa un desaroyo sosial ekonómiko duradero, un kondishon nesesario pa perspektiva riba prosperidat i bienestar di e pueblo di Kòrsou.

Gobièrnu ta bisa ku apénas e aktual gobièrnu a sinta, ku nan a keda konfrontá ku un advies di CFT pa prosesá e fiansa di 33 mion florin di Insel Air via di gewoone diest i ku un défisit di 60 mion di akuerdo ku retrasonan den kobransa di impuesto.

Gobièrnu ta rekonosé ku for di 2017 Kòrsou no ta kumpli ku e normanan manera ta pone den artíkulo 15 lid 1 di Rft. Den gewoone diest di 2017 basa riba e faktornan aki, tin un défisit di 116.8 mion florin ku a ser bahá te na 52,7 mion florin na 2018.

KONSIDERASHONNAN DEN E KONSPETO DI AANWIJZING

Un di e konsiderashonnan den e ‘ontwerp Koningklijk besluit” ku ta duna instrukshon na e gobièrnu di Kòrsou ta ku e hunta di supervishon finansiero di Kòrsou i Sint Maarten a keda konsehá repetidamente pa ahustá e presupuesto na e lei di supervishon finansiero di Kòrsou i Sint Maarten i tambe pa kumpli ku e disposishon nan legal establesé den e Lei di supervishon finansiero di Kòrsou i Sint Maarten. E kondishonnan aki ta ignorá ku Kòrsou a realisá esfuersonan nesesario i a kumpli pa gran parti ku tur e akuerdonan atministrativo ku Cft.

Ademas gobièrnu konstantemente ta keda enfrentá ku e implementashon di e presupuesto ku un evolushon ekonómiko. Den aña 2017 tabatin un kontrakshon di 1,7%, den 2018 2% i den pronóstiko pa 2019 tin un kontrakshon di 1.8%. Huntu ta trata aki di un kontrakshon di 5.5% den e último tres añanan, sin tene kuenta ku e kontrakshon ku lo bini su e refineria sera inesperadamente.

ELEMENTONAN DI AANWIJZING NO TA FAKTIBEL

IMPAKTO DI E ‘AANWIJZING’

E reperkushon makroekonómiko di e siere di e gewoonedienst den 2019, ta mustra ku e bbp real lo redusí ku kasi un 3,7% den 2019 i un 8,6% den 2020, ademas riba e kaminda básiko ku ya ta suponé un kresementu ekonómiko negativo. E efekto den e ekonomia en general ta signifikativamente negativo i en partikular pa e personanan ku entradanan mas abou

Un ‘aanwijzing’ riba e gobièrnu di Kòrsou na e momentunan aki no tin ningun balor agregá na e realisashon di ophetivonan mas amplio i kontrali na esaki, e lo stroba den kaminda. Ku e énfasis den e solushon a korto plaso, e designashon di no kontribuí na pas atministrativo i e apoyo sosial nesesario kual nan ta nesesario pa e implementashon di e reformanan struktural nesesario i e medidanan pa un rekuperashon sostenibel.

Ta diskreshon di RMR kon ta sigui e konseho di Cft. Esaki huntu ku e rekomendashonnan den e rapòrt di Fondo Monetario di akuerdo ku “IV consultation Discussions”, den kual IMF ta referí na e nesesidat di un “escape cluse” ku ta permití pa desviá di e reglanan ku tin efektonan grandi.

Mirando ku e ‘aanwijzing’ ta riba mesa i e ta pone riba e agènda pa RMR di 14 di yüni awor, gabinete Rhuggenaath a disidí di kanselá e biahe planeá pa Hulanda ku lo a konsistí di tres minister. E biahe a keda planiá basá riba e boluntat boluntario di gobièrnu pa yega na un akuerdo entre Hulanda i Kòrsou den kual ta eksistí un forma balansá di traha pa logra un presupuesto mulit-anual i un kompensashon di e défisit di añanan anterior, miéntras ku ta laga espasio pa e reforma i invershon nesesario pa solushonnan sostenibel pa e desafio sosial, e re-aktivashon di ekonomia, un mihó gestion finansiero i e mehoransa di e aparato públiko.