Shurendi“DjoDjo”Pieternella ta invitado “Den Do Mayó”

287
E Stima su Kultura 100%. 

WILLEMSTAD,—-Awe ta dia pa otro programa di farándula “Den Do Mayó”, kaminda ku lo bai tei komo invitado Shurendi “DjoDjo”Pieternella. “DjoDjo” ta un persona ku tin nos Kultura hopi duru pega na su Kurason,

Awe nochi sigur hopi kos lo bin dilanti rondó di e invitado en kuestion. Nos tin informashon ku e presentadó ta bai den tur huki ku su invitado. Esaki sin duda lo bai bira un entrevista bo abo no tin mag di pèrdè, paso tambe ta konosí ku “DjoDjo” no tin kabei na su punta di lenga.

Pues awe nochi ta bon pa bo ta sinta klaba dilanti bo televishon na Kanal 13 pa asina bo no pèrdè nada di e programa “Den Do Mayó”.  Tambe mester bisa ku e programa ariba menshoná ta ser mira riba sinku plataforma pareu, i esaki nan ta Kanal 13, FaceBook di Vigilante i Direct Media  na Aruba Diaro Tv kanal 48 i na Boneiru riba Kabel 13. Pues Reino Hulandes i mundu kompletu por wak e programa di farándula “Den Do Mayó”, den tur nan trankilidat riba sinku diferente plataforma. Kòrda ku awe ta Shurendi “DjoDjo”Pieternella ta e invitado.