TV Dirèct kanal 13 ku transmishon weganan ‘Kopa Amérika 2019’

52
Kopa Amerika 2019
WILLEMSTAD—Televishon Dirèct Kanal 13, lo transmití weganan di e di 46 edishon di Kopa Amérika. Ta trata aki di e kampionato bálido pa aña 2019, ku lo tuma lugá na Brazil.

Entrante djabièrnè awó, dia 14 yüni 2019, e kompetensia aki lo ranka sali ku partisipashon di 12 diferente selekshon nashonal. E wega inougural lo bai ta entre e ekipo di kas, Brazil, ku lo enfrentá e ekipo nashonal di Bolivia, djabièrnè anochi 8’or. Despues di a transmití kampionato mundial aña pasá i ta transmitiendo e kampionato mundial futbòl dama, awor nan lo bai ta transmití tambe Kopa Amérika 2019 for di Brazil, unda bo tambe por gosa di e deporte rei futbòl ku partidonan ku ta primintí di bira sumamente interesante.