Etienne Sillie ku kongreso pa mas di 250 tékniko na Hondúras

221
Maturana huntu ku Silliee.
WILLEMSTAD—Resientemente e konosido tékniko di futbòl Etienne Silliee tabata na Hondúras, unda e tabata enkargá ku un kongreso. Esaki na mas ku 250 diferente tékniko, relashoná ku e desaroyo di e deporte rei futbòl den nos region.

Ta trata aki di e YDK, kende a bin ta biaha na vários parti di mundu pa asina atendé kompromiso, partido, kongreso i tambe duna kursonan, den representashon di tantu Concacaf komo tambe KNVB.

Durante di e dianan ku ta tras di lomba, Silliee tabata na Hondúras, unda mas ku 250 tékniko nashonal tabata parti di e kongreso. Silliee, kompañá pa 2 grandi den futbòl i rekonosé pa Conmebol, kende nan ta Francisco ‘Pacho’ Maturana i Gustavo Ferrin, tabata enkarga ku e 3 dia di kongreso.

Ta trata aki di téknikonan ku a dirigí den e divishon máksimo na Uruguay i inkluso tabata ku e ekipo nashonal di Uruguay, kende tabatin komo futbolista bou di nan, entre otro e konosido futbolistaban Edinson  Cavani i Luis Suarez i otronan.

Tabata un kongreso ku a konta ku un parti den sala i tambe riba tereno, unda tabatin hopi fanátiko presente. Esaki sigur despues di tuma nota ku Hondúras a pèrdè pa goliada ku skor di 12-0 na mundial U-20 i no a logra pa klasifiká mes den kategoria U-17.

Etienne Silliee, tabata presente na e okashon aki, den representashon di Concacaf, unda e tabata enkargá ku 3 diferente tema, kual nan tabata vishon di estilo di wega, metodologia moderno i tambe sistema zonal den tereno.

Miéntras tantu ya e YDK a regresá kas i ta preparando pa den próksimo dianan, un biaha mas ta riba buelo. Un ke otro na momentu ku e lo ta biahando pa asina traha durante di partidonan di ‘Gold Cup 2019’.