Hoben tirá den pechu

4016
Willemstad— Polis mester a bai  Seru Fortuna pa un kaso di tiramentu na unda un hòmber mester a sufri herida di  bala na altura di su pechu.

Ayera den oranan di anochi a pidi asistensia di Polis i tambe ambulans den Kaya Cumulus na Seru Fortuna pa un hòmber ku a keda tira. Polis ku a yega na e sitio a bin topa ku un hòmber kual tabatin herida di bala na su pechu. Tambe un vehíkulo stashoná pafó di e kas tabatin perforashon di bala na e winshil patras. Mesora a hasi e trámitenan pa asina e víktima wòrdu transportá pa poli.  E problema ku a bin finalisá den e tiramentu a kuminsá for di despues ku un partido di futbòl a terminá entre di dos ekipo na SDK.

Einan a surgi    un pelea kampal. Kosnan no a terminá na e bringamentu pero a sigui ku menasa di otro ku morto.  Pa despues  algun tipo a yega para na e kas di un di e futbolistanan ku tabata envolví den e pelea i a yama esaki pa bin pafó.  E ruman di e futbolista esta  víktima inosentemente a sali bin pafó i a keda tira.  Polis a sera e aria pa asina por a hasi mas investigashon.