Jamaloodin ta kibra durante último palabra

591
Yegada di Jamaloodin na Hato ayera mainta i durante di su último palabra tabata basta kibra den korte.
Punda– Jorge Jamaloodin durante su último palabra a hasi yamada na famia di Wiels i bisa nan ku e por komprondé nan sufrimentu. E la bisa ku e tambe a pèrd’é su mama.

E kaso Wiels a trese hopi sufrimentu segun Jamaloodin. Pero ni su persona tampoko Robbie ta kulpabel pa morto di Wiels. Tur kos a kuminsá i kaba den Steenrijk. Divi Divi ta den mi kurason. Mi ta supliká bo komprondementu, e la bisa ayera.
Pa lokual ta trata Maximus, Wiels tambe tabata nos amigu. Nos famia tabata hopi bon ku otro. Mi mama a wòrdu komoshoná pa e morto, pero mas tantu pasobra a persiguí su dos yunan, ami i Robbie. E la sigui splika korte ku e tambe ta tata. I nunka lo e por mata tata di otro. “MI NO TA ENVOLVI DEN MORTO DI WIELS” Jamaloodin a duna di konosé. Mi bida i mi negoshi tur a bai malu. Jamaloodin, a bisa ku su yu a hasi aña i ta deseá su yu pabien i ta duru pa e pasa den kaso. E wes lo sera e kaso riba 26 yüli i 16 ougustus lo tin veredikto pa 1.30 p.m.