Polis buskando Vitz ku ta envolví den vários atrako

Un súplika ta bai na komunidat pa yuda.

287
Willemstad— Polisnan e dianan aki ta por la goma pa asina haña e vehíkulo ku e tipo atrakadó ta usa den vários kasonan di atrako.

Polis ta hasi un súplika na esun òf esnan ku sa algu di e tipo tur na pretu bisti i ku un sombré di guera bista i ku ta move den un vehíkulo kolo shinishi di e marka Vitz pa tuma kontakto ku Polis. Ta trata di e vehíkulo ku kada siman ta ser usa den un òf mas atrako arma. Ayera Polis a tuma nota di un vehíkulo paresido na e esun ku ta envolví den e kaso nan di atrako moviendo riba e kaminda di Veeris. Mesora a Sali tras di esaki i a blòki’é pa asina por a realisá un kontròl. A b in tuma nota ku esaki no ta esun vehíkulo ku ta ser buska. No a keda nada mas di pidi despensa i laga e okupantenan bai ku e vehíkulo. Esun ku ta kere di sa algu por tuma kontakto ku polis na e number 917 òf 108.