Relashoná ku e kaso di David Ortiz…. Outoridatnan dominikano a logra arestá 6 sospechoso

140
E arma i e presunto suheto ku a kometé e akto Rolfi Ferreira Cruz, alias "Sandy".
SANTO DOMINGO – E presunto atakante di e èks pelotero strea di Boston Red Sox, David Ortiz, resientemente lo a keda arestá segun e fiskal general di República Dominicana, Jean Alain Rodríguez, a informá na prensa.

E sospechoso, Rolfi Ferreira Cruz, alias “Sandy”, di 25 aña, lo a konfesá di tabata esun ku a tira David Ortiz, segun e kuerpo polisial lo a publiká den un komunikado. E outoridatnan dominikano ta kere ku Ferreira Cruz i seis otro individuo lo a partisipá den e tiroteo.

E direktor di e ‘Policía Nacional Dominicana’, Ney Aldrin Bautista Almonte, a deklará ku ta únikamente un di tur esnan involukrá den e kaso aki lo tabata den libertat ainda.

Seis sospechoso, inkluyendo e suheto ku presuntamente lo a realisá e tiru kontra David Ortiz, a keda detené pa nan supuesto partisipashon den e atake kontra e eks pelotero di Boston, segun e prokuradó general a informá djárason último.