‘Seru’ ta kue e promé 3 puntonan den ‘Kaya 4’

72
Akshon den wega entre Hubentut Fortuna i C.H. Mahuma.
WILLEMSTAD—E promé wega di e buèlta di playoff semifinal di 4 ekipo den segundo divishon di futbòl FFK, a mira akshon ayera. Tabata den Stadion Ergilio Hato, ku e ekiponan number 1 i 4 di Kaya 6 a enfrentá otro.

Ta trata di respektivamente C.H. Mahuma i Hubentut Fortuna, unda tabata e ekipo di ‘Seru’, ku a logra triunfo ku skor di 2-0. John Henry Lloyd i Luis Fruto Miranda tabata esnan ku a anotá pa e ekipo ganadó.

Miéntras tantu tabata despues di wega, ku a inisiá un pelea formal entre hungadónan kual a eskalá, unda ku fanatikonan tambe tabata enbolbí i tabata difísil pa esnan presente ku a trata pa intermediá, por a kontrolá e situashon.

U.D. Tera Kòrá vs Atomic

Miéntras tantu e playoff Kaya 4 lo konosé su di 2 wega awe, ora ku pa 8’or di anochi riba tereno di FFK, U.D. Tera Kòrá ku a kaba na di 2 puesto, topa ku Atomic, ku tabata komo number 3 den Kaya 6.