Marchena Braves ku 3 kareda den di 9 pa gana Fire Birds 8-5

169
Akshon durante di e wega.
WILLEMSTAD—Tereno di Stadion Johnny Vrutaal na Rif, ayera tabata esenario pa kontinuashon di FeBeKo su kampionato di beisbòl AA 2019. Esaki ora ku Marchena Braves a logra triunfo riba Fire Birds, ku skor di 8-5.

Tabata wega ku a hunga 9 entrada, unda na final di 8 entrada, esaki tabata empatá na 5 kareda. Den kabes di 9, Marchena ta logra anotá na 3 okashon i kue bentaha ku nan no a pèrdè mas di 8-5, pa seguidamente evitá ku Fire Birds por a anotá den nan último oportunidat pa bati i asina ta logra e triunfo.

Pa Marchena Braves 8 kareda, 12 hit i 3 eror. Nahim Attaf a gana i Roshendrick Alexander a bati di 4-3. Pa Fire Birds 5 kareda, 6 hit i 3 eror. Ludwin Obispo a pèrdè i Gedeon Ocalia a bati di 1-1 i tantu Wimsley van Heyningen, komo Ludwin Obispo a bai di 4-2, unda Issachar Pereira tabatin un bataso di kuater skina. Tabata wega den kual ámbos ekipo a hasi uzo di 4 picher.