Último oportunidat pa registrá pa klínika di Real Madrid na Kòrsou

92
Preparashon ta kanando pa klinika di Real Madrid na Korsou.
WILLEMSTAD—Dirigentenan ligá ku e organisashon di futbòl lokal Vesta, ku ta enkargá ku e klínika di e organisashon di futbòl spañó, Real Madrid na Kòrsou, a habri un último oportunidat, pa asina por inskribí pa e klínika aki.

Ta trata aki di evento ku lo tuma lugá na luna di ougùstùs benidero, riba tereno di e stadion di futbòl di e ekipo di bario di Sta Maria i bisindario, Vesta. Banda di e klínika na Kòrsou, tambe lo bai tin unu na nos hermana isla Boneiru.

Pues inskripshon ta habri ainda i lo sera dia 24 yüni eksaktamente 1 minüt promé ku 12’or di anochi. Pa mas informashon por komuniká ku Ricardo Martinus na telefon 521-9364. Un ke otro lo bai ta pa hóbennan lokal siña mas di nan deporte preferí, unda tambe nan lo bai haña diferente material di e organisashon di futbòl spañó i algun rekuerdo, ku komo e chèri riba e bolo, oportunidat tambe pa bai un klínika serka Real Madrid mes.