Ibrahim Isidora ta forma parti di maneho di “ONE”

205
E ta forma parti di maneho di “ONE”.

WILLMESTAD,—-‘E Mulina’, algun dia tras di lomba a haña informashon ku tin moveshon nan serio ta tumando lugá den seno di agrupashon musikal “ONE”. T’asina ku nos a keda pone na altura ku awor Darrel Rimon JR ku ta RoadManager di e agrupashon musikal ariba menshoná ta bai konta ku servisio di su bon amigu i tambe super bon amigu di Dibo-D.

Ta trata aki di e hóben promotor Ibrahim Isidora. ‘E Mulina’, tin ku bisa ku Ibrahim no ta un deskonosí den nos farándula, na masha hopi okashon e la organisá diferente fiesta ku a resultá éksito nan grandi. Di informashon ku nos ta disponé di dje ta bisa ku Ibrahim a pasa forma parti di maneho di e agrupashon musikal “ONE”.

‘E Mulina’, mester bisa ku e tim forma pa Darrel Rimon JR i Ibrahim Isidora  den maneho di “ONE”, esaki por ta e yabi di éksito pa e agrupashon musikal, paso ta trata aki di dos hóben ku ta move hopi duru den nos farándula, nan tin un energia ku por tumba kualke seru for di otro.

Nos fuente a bisa nos ku e maneho di “ONE” tin algun plan grandi pone riba mesa, i ku pronto nan ta bai kuminsá ehekutá esaki nan.  Mester bia tene hopi kuenta ku agrupashon musikal “ONE”, paso ku e maneho nobo i dinámiko ku nan tin na e momentu nan aki, sigur nan lo bai konosí mas Gloria ku nan mes ta pensa.