Aksidente di tráfiko ta laga saldo di ocho víktima mortal

109
E aksidente a tuma lugá na un karetera di Brasil.

RIO DE JANEIRO – Un total di ocho persona a pèrdè nan bida i otro tres mas a resultá heridá komo konsekuensia di un aksidente entre un djip i un trùk den oranan di ayera na e karetera regional di Bahia, estado nortost di Brasil.

E aksidente aki a keda registrá na alrededor di 8or di mainta, na e karetera regional BA-502 entre e munisipionan di Feira De Santana i Sao Gonzalo dos Campos.

Segun e bosero polisial, un trùk ku tabata transportá un karga di para bibu a invadí pista kontrali i a aksidentá frontal ku un djip, den kua trahadónan di un planta tabata move.

E choke a keda registrá na un kurva ku ta keda konsiderá komo peligroso, ku e atvertensianan di señalnan debí i ku pista ku tabata un tiki muhá debí na yobida.

Tur e víktimanan mortal den e kaso aki tabata den e djip, kua tabata dirigí su mes pa e lugá di trabou i kua a keda kompletamente destruí. E shofùr di e trùk mes ku a provoká e insidente, a keda gravemente heridá i trasladá pa un sentro médiko den serkania.