Armand Hellement Jr a bandoná Radio TCFM

270
E no ta laborá mas na TCFM.

WILLEMSTAD,—-For di dos dia tras di lomba ‘E Mulina’, a haña informashon ku lo bai bin un moveshon den un radio emisora lokal. T’asina ku ya tabata konosí pa nos ku Armand Hellement Jr a kuminsá ku un programa na Radio TCFM, ta trata aki di un programa di Alabansa, ku ta karga di nòmber “Mensahe Bendishoná On Fire”.

Pero den mes un rosea ‘E Mulina’, a haña informashon ku ya for di e promé siman e kontakto entre Armand i gerente di e radio en kuestion no tabata kana manera mester ta, i ku kada bes tabatin konflikto ku otro, tabata ayera den ora nan di mainta ku ‘E Mulina’, a haña informashon ku Armand riba e dia di awe ta bai entrega karta di retiru na  gerente di Radio TCFM.

Manera ku e informashon a drenta na nos mesa di redakshon, mes ora nos a drenta den kontakto ku Armand Hellement Jr, i esaki ta loke ku e la bisa ‘E Mulina’, “Ser un Bon Yu di Kòrsou i ser un Kristian no ta diferenshá masha for di otro. Bo ta sirbi bo komunidat esta bo próhimo. Bo ta duna sin spera nada a kambio. Bo ta STIMA e ser humano i bo pais. Aparentemente tòg tin un vershon di Bon Yu di Kòrsou ku ami a siña den e luna aki, esun ku mester hasi tur kos di un manera spesífiko i no spontáneo. Mi a wòrdu aserka pa un programa spiritual mainta trempan. Spiritualidat ta mas ku beibel i orashon so. Spiritualidat ta motivá , inspirá i sinti presensia di un Dios bibu. Spiritualidat no ta limitá na un religion e ta habri pa tur religion. Den Spiritualidat bo por laga e ser humano sinti e Dios bibu i presente ku bo ta eksperensiando. Splikando esaki mi ta bai awor riba mi desishon pa stòp ku presentashon di e programa Mensahe Bendishoná on Fire na TCFM. Kual nòmber i konsepto di programa ta i ta keda di mi persona Armand Hellement jr . Pa hasi e historia kòrtiku esaki parti di loke ku Armand Hellement Jr a relatá na ‘E Mulina’, ta bon ta bisa ku awe durante dia e artíkulo kompletu lo ta riba e Facebook Page di Vigilante, pa asina kada ken por saka nan sòm.