Juni Juliet  ta bai kompañá  Claudius Philips den un fiesta bailabel

262
Despues di 35 aña Juni Juliet ta bai kompaña Claudius Philips den un fiesta bailabel.

WILLEMSTAD,—-Dia 27 di yüli sin duda lo bai ta un dia grandi den nos farándula lokal, kaminda ku despues di 35 aña dos legendario músiko kantante kompositor areglista pianista ta bai topa ku otro bou di mes un dak.

T’asina ku 35 aña pasa ámbos kantante a toka ku otro den Prensès Beach Hotel, awor 35 aña despues e dos legendario músiko nan ta bai bolbe topa ku otro, e biaha aki esaki ta bai tuma lugá den Lanthùis Brakkeput Mei Mei.

‘E Mulina’, a haña informashon ku 35 aña pasa Claudius Philips a hasi su debut komo showman na Kòrsou, e kos di mas bunita ta ku ta e mes un Juni Juliet a trese a kantante Kòrsou pa Mavis Albertina, kual den e tempu ei tabata organisá diferente show den Prensès Beach Hotel.  Tambe nos tin informashon ku na aña 1983 Juni Juliet tabatin un trio forma ku Moises Ramos i Hubert Martina kaminda ku nan a partisipá den mes un festival  ku Claudius Philips tambe a partisipá, mester bisa ku e trio di Juni Juliet a sali na di dos lugá. Pero dia 27 di yüli ta Juni & The Legends ta bai kompañá Clauduis Philips den un fiesta bailabel. Pues riba e dia en kuestion lo bai tin dos Legends bou di mes un dak, un di Kòrsou i e otro direktamente for di Aruba.