Asesinato di agente polisial ta provoká fuerte tiroteo na México

194
Outoridatnan polisial ku a presentá pa hasi investigashonnan den e kaso di asesinato.

CIUDAD DE MEXICO – E asesinato di un agente polisial a provoká un fuerte konfrontashon entre agentenan polisial i sivilnan na e munisipio di Tlajamulco, na e oksidental di e estado mehikano di Jalisco. Den esaki un total di dos delinkuente a pèrdè nan bida i otro tres mas a sa di keda detené.

Segun a keda indiká, tur e kompañeronan tabata realisando un investigashon, pa protokòl ta hasi un seri di patruyahe den e zona pa buska algun pista, evidensia, personanan òf vehíkulonan. Aki ta unda a lokalisá un kas di seguridat, unda na momentu ku a aserká nan mes, a mira personanan sospechoso. Posteriormente a tiroteo a keda registrá.

E agente investigador a keda asesiná serka di su bibienda den e kolonia di Jardines del Eden pa vários hòmber ku a skonde i ataká esaki.

Den e atake, un mucha hòmber di 9 aña tambe a resultá heridá, kende ta yu hòmber di e víktima. Esaki a keda trasladá pa e sentro médiko, unda despues no a duna mas informashon di su situashon.

E agreshon aki ta loke a mobilisá outoridatnan polisial di e estado, ehérsito i diferente korporashon munisipal, kende nan poko despues tabatin e tiroteo kontra e sospechosonan. Den esaki vários agente di seguridat a sa di resultá heridá.

Den e aña aki, un total di 13 agente polisial a keda asesiná na diferente munisipio di Jalisco.