Yu hòmber ta hinka su propio mama kousando su morto

138
Víktima den kompania di su propio yu i asesino.

SAN JUAN – Un hóben a konfesá di a asesiná su propio mama hinkando e na seis okashon, segun outoridatnan di Puerto Rico a indiká na medionan di komunikashon.

E hóben, di 16 aña di edat, a atmití dilanti outoridatnan ku e tabata kende a pone fin na bida di Jeanette Mojica Rivera, di 34 aña di edat, durante un diskushon dia 27 di mei tras di lomba.

Ámbos a keda reportá komo pèrdí pa famianan dia 11 di yüni último, pero no tabata te ku dia 18 tras di lomba ku a hasi imágennan di tantu e mama komo su yu konosí den intento di sa mas di nan paradero.

E menor di edat a entregá su mes na outoridatnan i a konfesá e krímen. Dia 19 di yüni último, esaki mes a kue kaminda ku outoridatnan polisial den e área di Campo Rico, di Canovanas, i aki ta unda a haña e kurpa sin bida di e muhé, lorá den algun klechi.

Segun informashonnan ku tin, e diskushon entre ámbos lo a inisiá pa un reklamo ku e mama a hasi na su yu hòmber,debí na un relashon di pareha ku aparentemente e tabatin ku un muhé mayor di edat.

E hóben di su banda a indiká ku su mama nunka no tabata un mama ekselente. Esaki tabata studia enfermeria i segun algun bisiña, nunka nan mira, skucha òf nota algu straño den komportashon di e hóben.

E víktima aparentemente tabata traha na Laboratorio Klínika Chegar II, na Canovanas. Esaki a gradua últimamente di enfermeria inkluso ku algun honor.