102 haitiano detené den nan intento di drenta Bahamas

102
Tur a keda repatriá bèk pa Haiti posteriormente.

SAN JUAN – Outoridatnan di Bahamas a anunsiá den oranan di djasabra tras di lomba, detenshon di 102 migrante haitiano indokumentá ku tabata intentá di drenta di forma ilegal na e teritorio via di Inagua, un isla di Bahamas.

E detenshon di e migrantenan a keda realisá pa Forsa Real di Defensa di Bahamas ku kolaborashon di e Departamento di Inmigrashon, na 30 mia nortost di Inagua.

Tur esaki nan tabata biaha abordo di un barku. E inmigrantenan tabata 90 hòmber i 12 hende muhé, kendenan a keda trasladá pa tera firme na Inagua, unda nan a keda entregá na outoridatnan lokal pa asina prosesá nan repatriashon bèk pa Haiti.

Serka di e mesun lugá, a interseptá dies dia pasá, otro embarkashon, den kua na e okashon ei tabatin 200 persona, e mayor kaso di detenshon di haitianonan e aña aki.

Na e okashon ei, dia 3 di yüni último, a konta ku e apoyo di Warda Kosta di Estádos Unídos, entre otro forsanan di reskate.

Tur esaki nan a keda mandá bèk pa nan pais posteriormente.

Haiti ta pasando pa vários luna kaba den un situashon di subida di violensia i protestanan, kua a laga saldo di vários morto, entre nan tambe periodistanan.

E detenshonnan aki ta uni nan mes na dia 9 di yüni tras di lomba, unda a haña un embarkashon pegá den awa ku un grupo di piskadó haitiano abordo.

Ademas, dia 1 di aprel último un total di 15 persona a pèrdè nan bida i otro 14 mas a keda reskatá ku bida despues di noufragio di un grupo di haitiano ku tabata biaha abordo di un barku ku a bòltu na altura di West Caicos, un isla inhabitá di Turks & Caicos.

Na luna di febrüari tambe, mas di 100 siudadano haitiano a keda mandá bèk for di Bahamas un dia despues ku a hisa suspenshon temporal di deportashon di inmigrantenan legal direkshon di e teritorio karibense.