Armando Obispo ku deseo pa hunga tur dia ku Vitesse

131
Armando Obispo.
HULANDA —E futbolista Armando Obispo, ta kontentu ku su desishon pa hunga un temporada komo hungadó di hür for di PSV, ku Vitesse den Eredivisie di futbòl na Hulanda. Esaki unda e deseo ta pa e por ta den akshon den e divishon máksimo di futbòl na tera friu.

“Tur kos ta mustra di lo bai ta bon”, e defensa a deklará despues di su promé training ku su ekipo nobo.

“Mi a haña un tremendo sintimentu, unda entre otro tambe tur hende tabata kontentu i sigur un bon sintimentu pa mi i ta duna mi aun mas gana pa inisio di e aventura nobo aki. Durante di e 2 último temporadanan ku PSV, mi a mira akshon hopi den e promé aña, pero debí na kambio di regla esaki no tabata posibel temporada tras di lomba. Awor aki e deseo ta pa mi ta parti di e ekipo básiko i no a bin Vitesse pa sinta riba banki, pero ta mi mester eksihí esaki demostrando ku bèrdat mi por”, tabata entre otro parti di deklarashon di Armando Obispo, kende ta un defensa sentral i a train ayera komo e úniko kara nobo di e ekipo te ainda, dilanti di un bon públiko, unda mesora tambe e la sa na destaká impreshonando esnan presente.