Serginni Marten ta logra medaya den habrí di natashon

103
Serginni Marten i su medaya.
WILLEMSTAD—Tabata durante di e fin di siman ku ta tras di lomba, ku e landadó YDK, Serginni Marten, a kompetí na Kampionato habrí di natashon 2019, na Amersfoort Hulanda.

Ta trata aki di e “Open Nationale Kampioenschp 2019, Lange baan”, den pisina di 50 meter di largura.

Tabata kompetensia ku a inisiá djabièrnè último i finalisá ayera, djadumingu dia 23 yüni 2019.

Riba 50 meter pechu, Serginni a logra e di 18 lugá, ku un tempu di 29.71 sekònde. Esaki despues di a kai nèt for di Final B.

Un ke otro debí ku e promé 8 nan ta bai Final A i seguidamente number 9 te ku 16, ta bai e final B.

Riba 4 x 100 meter, e tabata parti di esnan ku a kombiná i pone su ekipo ‘De Waterkip’, klasifiká, pa seguidamente un otro grupo di landadó di DWK, gana medaya di Plata.

Den kompetensia riba 200 meter pechu, Marten a sali na di 9 lugá, markando tempu di 2:23.86, pa seguidamente gana final B, ku un tempu di 2:25.08.

Riba 4 x 200 meter estilo liber, e ekipo di DWK, ta logra gana medaya di Bròns, komo e di 3 landadó ku un tempu split di 1:58.74.

Marten riba 100 meter pechu, ta logra tempu di 1:06.65, pa keda na di 15 lugá i den Final B, ku tempu di 1:06.64, ta logra e di 7 lugá.

Finalmente den evento di 4 x 100 meter, estilo liber, Serginni ta yuda pone tempu di 53.83 sekònde i asina klasifiká, pa seguidamente un otro grupo di landadó di DWK, gana medaya di Bròns.

Pa e fin di siman benidero, lo e bai ta den otro kompetensia.