Un morto despues di avalancha registrá serka di siudat turístiko ekuatoriano

89
Outoridatnan i miembronan di entre otro Krus Kòrá ku a presentá na e sitio.

QUITO – Un persona a pèrdè su bida, un a keda reportá komo pèrdí den un avalancha ku a keda registrá den oranan di djasabra último, esaki debí e fuerte kaida di áwaseru den e zona turístiko ekuatoriano di Agua Santa. Aparentemente esun reportá komo pèrdí ta un di nashonalidat venezolano.

Segun outoridatnan, un total di shete bibienda a keda kolapsá debí na e yobida i avalancha registrá. Esaki a obligá evakuashon di masoménos 40 persona. Ademas un total di tres diferente brùg a resultá afektá pa e subida di riu.

Segun a indiká tur esaki a kousa basta problema na e sektor konosí komo Santa Ana-El Palacio, unda a provoká ademas problema na diferente bibiendanan.

E persona heridá a keda identifiká komo Anthony Olivo, di 21 aña i di nashonalidat venezolano, kende a keda atendé na e sitio mes pa miembronan di Krus Kòrá Ekuatoriano.

Ademas a indiká ku e aktividatnan turístiko na e sentro di e siudat di Baños de Agua Santa a sigui desaroyá nan mes ku normalidat. Tambe e misa di El Triunfo, serka di Baños, a indiká ku e fuerte yobida a kousa dañonan serio na e lokalidat i ku nan ta praktikamente inkomuniká.