Guaidó i su kasá e denunsiá menasanan risibí ku ta impedí nan sali for di e pais

144
Juan Guaidó, den kompania di su kasá.

CARACAS – Juan Guaidó, kabesante di Parlamento venezolano rekonosí komo e presidente interino pa mas di 50 pais, huntu ku su kasá, Faniana Rosales, a denunsiá menasanan risibí di e régimen di Nicolas Maduro. Esaki nan ta impedí nan sali for di e pais.

Den un video publiká den oranan di ayera, unda por mira selebrashon na e bibienda Casa America na Madrid, Rosales a yama danki na e asistentenan pa e invitashon i pa komprometé nan mes ku e kousa di Venezuela. Esaki ademas a afirmá ku inisialmente e no por a sali for di e pais pa e por partisipá, manera tabata planiá anteriormente.

Esaki a indiká ku ta e persekushon ku tin na e pais, i ku tur hende ta na altura di dje, a pone ku e no por a sali i hasi uso di e invitashon na su persona.

Guaidó ademas a akusá outoridatnan di Maduro di a sekuestrá Edgar Zambrano, visepresidente di Asamblea Nashonal i tambe Roberto Marrero, kabesante di su ofisina. Ademas di a pasa un biaha mas riba derechi di otro 22 legisladó.

Tambe el e denunsiá ku nan ta traha den konteksto di violashon konstante di e derechinan fundamental, di persekushon i di no libertat di ekspreshon.

Esaki a sigui indiká, ku apesar di tur esaki, nan no ta entregá i nan lo sigui pa dilanti ku nan lucha pa asina logra sali for di e diktadura ku e pais ta bibando.

E lider opositor a indiká ku su pais, Venezuela, ta na bordo di un katástrofe pa e eksodo migratorio, pa falta di akseso na servisio, pa pèrdidanan di koriente siguí pa mas di 12 ora i pa e karensia den servisionan básiko, manera awa i medikamentu.

Den mesun rosea, el a hasi uso di e chèns pa gradesí e interes di Foto Atlantiko, organisá pa e Fundashon Internashonal pa Libertat, ku e presidente peruano Mario Vargas Llosa, pa aproksimá posibel solushonnan pa e konflikto di Venezuela