Sifra di mortonan pa derumbe di edifisio ta alkansá 25 na Camboya

103
Edifisio den konstrukshon ku a basha den otro den oranan di fin di siman tras di lomba.

BANGKOK – Outoridatnan di Camboya a elevá e number di víktimanan mortal na 25, debí na e derumbe di un edifisio di shete piso den fin di siman tras di lomba. Ta trata aki di un edifisio den konstrukshon na e siudat di Sihanoukville. Esaki miéntras ku ainda ta en buska di esnan reportá komo pèrdí.

E ekipo di reskate a sa di rekuperá entre e restunan di e edifisio, kurpa sin bida di tres víktima mortal di e aksidente aki, den kua ademas otro 24 persona mas a keda reportá komo heridá.

Despues di e aksidente, e komishon di investigashon i kuater persona a keda detené pa nan posibel responsabilidat den e derumbe di e edifisio, propiedat di un empresa chines.

E promé minister di Camboya, Hun Sen, a kalifiká e aksidente aki komo un tragedia doloroso i a hasi un yamada pa aportá donashon pa esnan afektá.