Danilo Petrucci lo sigui ku Ducati den 2020 tambe

41
Danilo Petrucci a ekstendé su akuerdo ku Ducati pa un temporada mas.
ITALIA- E motosiklista italiano Danilo Petrucci a renová su kontrakt ku e ekipo italiano Ducati pa kontinuá ku e ekipo di Borgo Panigale e temporada 2020 i lo sigui komo kompañero di  ekipo di su kompatriota Andrea Dovizioso.

Petrucci, di 28 aña, a debutá ofisialmente ku e ekipo di Ducati, despues di tabata  kuater temporada den e ekipo Pramac i a demostrá di a adaptá su mes  for di un prinsipio na e ekipo, kual huntu ku su resultado nan positivo a redunda den un ekstenshon di su akuerdo ku e ekipo pa un temporada mas.

E piloto italiano aktualmente ta okupando e di tres posishon riba e tabla di klasifikashon separá pa apénas ocho punto for di su kompañero di ekipo i e ekipo di Ducati ta liderá e klasifikashon di ekipo ku 224 punto.

“Mi ophetivo prinsipal for di momento ku ma start ku e aventura aki i pa e motibu tambe di a sinti un gran harmonia ku e ekipo ta motibu pa kual den e promé parti di e kampionato aktual nos tabata kapas di mehorá progresivamente pa loke ta nos rendimentu konkistando tres posishon di honor kual ta inkluí un viktoria“, asina Petrucci a splika den un komunikado di prensa di su ekipo.

E Direktor General di Ducati, Gigi Dall’Igna, di su parti a señalá ku e ta hopi  kontentu ku nan por a yega na un akuerdo ku Petrucci pa sigui traha huntu den e próksimo temporada.