Kiki Eleonora ta e Keyboard man nobo di agrupashon musikal “SO”

432
E Keyboard man nobo di “S.O.”.

WILLEMSTAD,—-Ya for di djasabra tras di lomba ‘E Mulina’, a bisa ku djaluna esta awe e lo trese nòmber i fam di e músiko nobo ku ta bai pasa forma parti di agrupashon musikal Sabor “S.O.” Original den ámbito di Kòmbèk.

Ta trata aki di e músiko Kiki Eleonora ku no ta un deskonosí den nos farándula. Ma aleu ‘E Mulina’, tin informashon ku ya e músiko ariba menshoná a ensayá diferente piesa di e agrupashon musikal Sabor “S.O.” Original. ‘E Mulina’, ya tin e informashon aki pa algun dia.

I manera ku nos a risibí e informashon en kuestion nos a drenta den kontakto ku kabesante nan di e organisashon musikal “S.O.”, pa ta eksakto Win Palo, pero di ningun manera Win Palo no ta kontesta nos yamada nan, esaki ta algu ku ya ‘E Mulina’, a bin ta biba kuné.

Ku e moveshon aki, esaki ta nifiká ku e kompositor areglista i Keyboard man Ramsey Silie su dia nan lo bai ta konta den agrupashon musikal Sabor “S.O.” Original, no ta un sekreto ku ya den kaya prinsipalmente den ámbito di Kòmbèk, tin rumor nan ta kore ku e chèns nan ta hopi grandi ku Ramsey Silie por ta na kaminda pa agrupashon musikal Classic XD, kòrda ku esaki nan ta loke ku ta ser bisa den kaya. Pero nos notisia prinsipal riba e dia di awe ta ku e músiko Kiki Eleonora ta e Keyboard man nobo di agrupashon musikal Sabor “S.O.” Original.