Mr Black a graba ku Succes Sin Stress na Hulanda

159
Ambos persona lo bai puntra awe, ta kon ‘E Mulina’, a yega na e potrèt aki.

WILLEMSTAD,—-ketu bai tin diferente moveshon ta tumando lugá den diferente studio di grabashon, esaki nan ta tumando lugá tantu na Kòrsou, Aruba, Boneiru i na Hulanda. Ayera ‘E Mulina’, a haña informashon ku e kantante den ámbito di Kòmbèk ku ta “Mr. Black” ta den studio di grabashon ku agrupashon musikal Succes Sin Stress.

‘E Mulina’, ta disponé di informashon ku e piesa nobo ku e kantante “Mr. Black”, a graba ku agrupashon musikal Succes Sin Stress ta su mes un komposishon, miéntras e areglo ta den man di su amigu Joke Passial, e titulo di “Mr.Black” su piesa nobo ta “Den nan kara”.

Ta konosí ku e kantante “Mr. Black”práktikamente semper su piesa nan ta puña. Esaki ta nifiká ku e kantante su piesa nobo sin duda ta dirigí riba un persona. I su piesa nobo ta e mes un kaso tambe. Ayera ‘E Mulina’, tabatin e oportunidat pa por a skucha e piesa nobo di “Mr. Black”, i mester bisa ku e piesa nobo en kuestion tin tur kos pa bira otro hit pa e kantante ariba menshoná.

Mas aleu ‘E Mulina’, tin informashon ku por lo pronto e kantante “Mr. Black” no tin plan pa regresá Kòrsou, i tanten ku e ta na Hulanda, e lo move ku agrupashon musikal Succes Sin Stress, esaki ta informashon ku ‘E Mulina’, a haña direktamente for di Hulanda serka di un fuente ku ta hopi di aserka di e formashon musikal Succes Sin Stress. Pa loke ta trata e piesa nobo di “Mr. Black”, esaki pa fin di siman aki mes esaki por bai kuminsá zona na diferente radio emisora lokal.