ONE i ICONS tabata grandi den Club Sugar

187
Djabièrnè tras di lomba nan a selebrá dos aña den nos farándula.

WILLEMSTAD,—-Djabièrnè tras di lomba agrupashon musikal “ONE” a selebrá nan di dos aña aktivo den nos farándula. Te ainda ta fresku den nos memoria ku dos aña pasa e agrupashon musikal “ONE” ta bira e promé banda ku ta hasi nan debut riba suela di un otro pais, i esaki a tuma lugá na Aruba kaminda ku e banda en kuestion a kombiná ku Buleria.

Pa loke ta trata djabièrnè último e agrupashon musikal a selebrá su di dos aña den farándula, kaminda ku pa promé biaha nan a kombiná ku e banda ICONS, “ONE” su selebrashon a tuma lugá den Club Sugar. ‘E Mulina’, a haña informashon ku ámbos agrupashon musikal tabatin un tremendo presentashon den Club Sugar.

Mas informashon ku ‘E Mulina’, ta disponé di dje ta bisa ku agrupashon musikal “ONE”,ta den studio di grabashon i no ta bai duru hopi ku piesa nan nobo di “ONE” lo bai kuminsá zona na diferente radio emisora lokal. Esaki sin duda ta bai hasi nos farándula lokal, prinsipalmente den Ritmo Kombiná hopi interesante. Un pabien ta bai na tur músiko nan ku ta forma parti di agrupashon musikal “ONE” ku djabièrnè tras di lomba e selebrá nan di dos aña aktivo den nos farándula lokal.